صور الUA فى مباراة الأهلى x زيزى 14 / 3 / 08 20 ( تم إضافة صورة من عند البوابين )
كاتب الموضوع
رسالة
admin مــــــؤسس المــــــوقـــٌع § Site Manager §
عدد الرسائل : 515 العمر : 33 تاريخ التسجيل : 30/07/2008
موضوع: صور الUA فى مباراة الأهلى x زيزى 14 / 3 / 08 20 ( تم إضافة صورة من عند البوابين ) الخميس سبتمبر 11, 2008 7:57 pm
بسم الله الرحمن الرحيم ازيكو يا شباب عاملين ايه .. ان شاء الله تكونوا بخير وبكل سلام امبارح كان يوم جميل كالمعتاد فى كل شيىء كالعاده ودا كله بفضل الله بس ..
انا هنا كنت حابب اكتب تفاصيل الدخله من اول ما كنا فى بادىء الامر بنحضر ليها وكالعاده التحضير للدخله ديه كان زى كل المره .. وابتدى التحضير ليها من قبل كاس الامم باسبوع بالظبط
حابب احطكوا فى الصوره كامله ومحدش يقول ويسال نفسه ليه التحضير المبكر دا .؟؟؟؟
المهم احنا كنا فى فتره تعتبر فتره ذهبيه لخطوات التراس اهلاوى . لكن حصل ما لا يتخيله احد كلنا عارفين الموضوع مباراه السله وظروفها وكل اللى حصل فيها
للاسف المباراه واليوم دا كان يوم فاصل فى حقيقه الناس اللى كانت معانا وبمعنى ادق الناس اللى موجوده فى التراس بشكلها الكامل كله
الدخله كانت قبل كاس الامم كان مخطط لها انها هتتعمل فى استاد القاهره وكنا مستقريين على دخله معينه قبل المطش دا هتتعمل للديربى ولكن حصل اللى حصل
بعد الموضوع دا كنا عارفين كويس ان جمهور الزمالك كان المفروض يعمل حاجه على اقل تقدير كويسه لانهم كانوا واخدين مبلغ بيقدر زى ما قيل لنا انه 10 الاف جنيه عشان يشهدوا على اشخاص معينه من عندنا بتهمه حرق الولد من الجروب بتاعهم
الكلام دا مؤكد يا شباب وغير قابل للجدال
-------- المهم زى ما الكل عارف .. اللى بيجى سهل بيروح سهل .. والحرام عمره ما يدوم اللى كانوا محبوسين خرجوا .... واللى خدوا الفلوس الحرام اديكوا شفتوا عملوا ايه .. كالعاده انا مش بحب اعلق على شيىء احنا وغيرنا وكل الناس قعدوا يضحكوا عليه .. رغم احترامى لمجهودهم بس المتعارف عليه ان الحرام مش بيدوم وعمره ما ينجح
======
بعد الموضوع بتاع الحرق دا
للاسف حصلت اشياء كتير جدا مضره لينا ولسمعتنا وسمعه ناس كتير معانا هنا وسمعه جمهور الاهلى بشكل عام ... الحاجات ديه للاسف اضعفت من قوتنا كتير ولو مقلناش كدا يبقى احنا بنكدب على نفسنا والله العظيم انا شوفت وكل الناس شافت ايام لا يعلم بيها الا ربنا .. والله عمرى ما شفت شباب (كل الشباب بدون استثناء ) زى اللى معانا دول فى حياتى فىعز ما الكل مستخبى فى بيته والكل بيسافر للمحافظات خايف رغم انه هو الشاهد على الشباب اللى اتحبسوا وزملكاوى . ورغم كل دا بتلاقيهم فى وش المدفع بيروحوا المطشات وبيولوعوا شماريخ وبيعملوا دخلات والحياه ماشيه معاهم بكل بساطه وطبيعيه جدا جدا فوق ما اى حد يتخيل
======
المهم حطينا فى مخنا ان دخله الديربى دى مستحيل نلم اكتر من 5000 جنيه ولو لميناهم هيبقى انجاز ما بعده انجاز نظرا للظروف اللى زى الزفت اللى كنا فيها فعلا وغيرنا فكره الدخله الاصليه لفكرتين تانين تم اختيار اللى اتنفذت ديه وبعدنا كل البعد عن استفزاز او شيىء ملهوش دعوه بينا احنا لغايه دلوقتى معملناش رسائل مستفزه مباشره ودا شيىء يحسب لينا ودا لاننا بنضرب فى مقتل
عقبال ما اخترنا الدخله وتأكدنا ان الدخله فى استاد القاهره جيه خبر ان الاهلى هيلعب كل مطشاته فى الحربيه .. وكانت مفاجأه مسببتش لينا مشكله كبيره فى كل الاحوال احنا كدا كدا الدخلتين واحده كانت للحربيه والتانيه كانت للقاهره دا غير الفكره اللى احنا كنا مفكرين فيها فى الاساس قبل كاس الامم لانها كانت كبيره وكبيرجدا فى التكلفه ودا اللى كان مستحيل فى مخليتنا اننا نجمع مبلغ بالكبر دا
المهم استقرينا على استاد الحربيه وتأكدنا انه المطش فيه كان قبل مطش الزمالك وانبى بيوم (يوم واحد فقط ) كانت بنسبه كبيره بنشتغل فى الموضوع دا ولكن مكنش معانا مساحات الاستاد نفسه ومقصدش مساحات الاستاد انها مساحه المدرج ولكن اقصد مساحه المدرج طولى وعرضى بعدد الكراسى بعدد المداخل وبكل شبر من الاستاد
وكنا مطالبين اننا نعرف عد الجمهور اللى هيشترى التذاكر ولتأكدنا ان جمهور الاهلى وعن خبره مسبقه ان فى الحربيه جمهور الاهلى فى الجه الشمال بيبقى عل اقل تقدير 25 الف بنى ادم دا ورا الجول فقط من غير اولى وتالت .. وسالنا قيل لنا ان التذاكر بالظبط 23 الف تذكره مطبوعه .. لكن احنا كنا عارفين ومتاكدين ان الجمهور دا كله هيخش لانه ببساطه التذاكر بتزور وبتبص تلاقى يجى 70 الف معاهم تذاكر
==
المعادله بجد مش زى ما الناس بتتوقعها انك هتخش هتلاقى الكراسى فاضيه شويه عقبال ما توزع او ان هتلاقى السلالم على الاقل فاضيه لا دا انت بتخش مثلا الساعه 4 او 5 بتلاقى الاستاد مليان على اخره مفهوش مكان لقدم
المتعارف عليه فى المواضيع ديه او الافكار ديه انه بتحط الورقه على الكرسى والجمهور بيخش معزز مكرم بي بيلاقى الورق موجود على كرسيه او بيتوزع ببساطه لانه المدرج منظم على اقل تقدير لكن تخيل انك وسط مثلا 30 الف مفيش مكان تعدى منه اصلا
المهم اننا لمينا قبل المطش بيوم 11 الف جنيه و750 جنيه او بمعنى اصح 12 الف جنيه بالتمام والكمال
الدخله تكلفتها بالظبط 12 الف جنيه
هنقول ليه ببساطه لاننا اشترينا انضف خامات فى السوق كله ودا كالعاده لا فى علم من عندنا قبل كدا اتقطع نصين زى ما حصل امبارح من المسخره اللى كانت قدمنا رغم ان الاحجام كانت صغيره بالمقارنه باقل شيىء احنا رسمناها وهيه كانت تيسيرت محمد عبد الوهاب اللى كان 20*20
وبمعنى اصح فى الحاجت اللى اشتريناها فا احنا اشترينا بزياده وكنا عاملينا حسبانا ان الجمهور ممكن يكون اكتر من 50 الف كان بردو هيبقى متغطى المشكله انه كانت فيه مصيبه المفروض الحاجات ديه كلها كانت تيجى لنا متقطعه جاهزه لكن فوجئنا ان التقطيع هيكلف مبلغ ككبير جدا لاننا مستعملناش ورق احنا استعملنا حاجه تانيه انضف لها شكل افضل بكتير وصممنا عليه لان الورق الاولوان لو بليل بيبقى شكله ولنه قاتم ومش هيبان ولان الورقه اللى متلونه تمنها تلات اضعاف الورق البيضا اى انها بنفس تمن الخامه اللى احنا استعملناها فى الدخله ديه
بمعنى اصح لو جمهور الزمالك المطش اللى فات جاب 12 الف ورقه بيضا كلفتهم مثلا (مثلا ) 4000 جنيه .. لو احنا عاوزين 12 الف5 ورقه ملونه وش وضهر عاوزين نفدع تمنها 12 الف جنيه اللى هيه اصلا نفس تمن الخامه اللى احنا استعملناها واللى انا مش حابب انى اكتبها هنا ومش عاوز حد يكتبها
واحد زملكاوى اكيد هيقرى كلامى وهيحسسنى انى بخفى سر عسكرى .. انا مش هقول غير انه شيىء عادى .. وعادى جدا بس يكفيه عناء محاوله الاجابه السهله جدا ========
والله يا جماعه ما عارف ال12 الف جنيه دول اتجمعوا ازاى
وبس مش هقول غير شيىء واحد ديه اول مره ما نعتمدش على اى حد من برا مصر ... ومع انهم كانوا عاوزين يساعدوا بس الظروف فعلا كانت صعبه معاهم وربنا بجد يوفقهم
ونفسى اقول للشباب اللى بجد ربنا يخليهم لنا بجد انتوا شباب الواحد مهما اتكلم عليكم والله ما هنوفى فيكم حقكم بجد انتوا بجد عملتوا اللى عمره ما كنا نتخيله والله يا شباب ناس دفعت من جيبها الخاص بال 200 وال 300 وال1600 وال2000 جنيه من جيبها الخاص وفيه ناس دفعت 20 و30 و50 100 كل الناس بجد مبخلتش باللى تقدر عليه والله عمرنا ما نقدر نوفى حق الناس ديه ابدا وحتى اللى مقدروش يسعدونا والله يكفينا مساعدتهم المعنويه لينا بجد وقفوا معانا فى اوقات صعبه واحنا عاذرينهم ان كانوا فى موقف وحش بسببنا او بسبب ما الصق بينا بسبب شهاده زور اشتروها بالفلوس للابتلاء علينا
بعد ما تلقينا ان الحاجت اللى اشتريناها ديه مش هتتقطع بالمكنش وهتيجى كلها حته واحده تخيل انك بتقطع 30 الف قطعه بحجم معين كلها شبه بعضها بالوان مختلفه كل لون له عدد معين بس وكميه معينه انت اللى بتتحكم فيها كل دا قبل المطش بيومين والله يوم الاربع والخميس اقسمبالله فى ناس ما شافت النوم بيونها .. وقبلها فيه ناس ما شفتش النوم بالاسابيع بسبب الموضوع مطش السله اللى الصق بينا بالزور النفسيات كانت محطمه الكل كان بيشتغل عشان شيىء واحد والله ما عشان الدخله .. فقط عشان يثبتوا لنفسهم انهم بجد شباب بيموتوا فى بعض وفى الاهلى ومش بيقف فى وشهم اى حد غير اللى هما عاوزين يحققوه
والله لو تتخيلوا كميه التعب اللى شفناه والنفسيه المحطمه اللى الناس عاشت فيها .. وفكره الروح المضاده لكل دا يا جماعه احنا ولصل بينا الحال اننا بقينا كل يوم اسمنا بيطلع فى جرنال او تلفزيون بينتقدوا فى حاجات احنا منعرفهاش
اقسم بالله انا كنت بشوف اخبار غريبه مره بتاع حرق الولد ومره فى الهدف كاتبين اننا هددنا شريف اشرف بالقتل ومره فى الدستور اننا هددنا عصام الحضرى بالقتل وحرق عربيته ومره اننا قدمنا فى الريس تخيل فى الريس شكوى للفيفا عشان تدخل فى موضوع الحضرى
يعنى جريده زى بتاعه الدستور عاوزه مثلا تشتم فى السياسه تقوم شابطه اسمنا فى الموضوع .. واحد تانى فاشل فىالهدف كاتب شيىء من مخيلته لمجرد انه عارف انه فاشل ومش عارف يكتب ايه
المصيبه ان كل حكايه حكياه فى المواضيع ديه كل ما كنت بقراها او بسمعها اقسم بالله كنت بموتمن الضحك بسبب التخريف اللى فيها لما جرريده نص كم تقول ( وقد علمنا من مصدر مقرب من التراس اهلاوى كذا وكذا ) وقعد اقول اذا كان احنا فى الفتره ديه مكناش بنجتمع .. يبقى مصدر مقرب ايه الاهبل دا وجب منين الحورارات ديه وايه الهبل دا اللى بكتبه حاجات احنا شبه اتعودنا عليها .
وفى النهايه مش هنقول غير شيىء واحد اننا مش هنعبر الناس ديه ولا بنرد ولا هنرد عليهم لاننا ببساطه شغلنا هو اللى بيدافع عنا ومش مهمدا بيكتب ايه او دا بيقول ايه بس يكفينا اننا موجودين لغايه دلوقتى ولسا فينا الروح ولسا بنشتغل وسبحان االله
ان الله لايضيع اجر من احسن عملا
عشان احنا اتجمعنا فى شيىء ربنا كان مبارك فيه وكل الناس شاركت فيه ربنا كان معانا فى اصعب اللحظات
وصدقونى والله العظيم والله العظيم الحرام عمره ما ينجح مهما كان .
===========
اكيد تفاصيل الدخله بعد كدا انا مش حابب اكتب فيها وياريت محدش يكتب فيها . نخليها مبهمه .. ويكفى ان الصور بتتكلم عن نفسها بس كلمه اخيره
يكفنا فخرا اننا مش بناخد من رئيس نادينا فلوس ... ولا بيدينا رشاوى عشان نشهد زور ... ومحدش فيهم قبل كدا شفناه زى ما شفنا علاء مقلد بيطلع اتنين كانوا محبوين بسلاح ابيض من قسم تانى مدينه نصر عشان يطلعوا برائه مستغل سلطته كلواء سابق
والله العظيم الحرام ما بيدوم
وربنا يديم افراحنا ... ونستمر على اللى احنا فيه
ونشوف احنا عندنا ايه فى المستقبل نهتم بيه
uriy
AL AHLY x ZamaMALEK
AL AHLY x ZamaMALEK
صور الUA فى مباراة الأهلى x زيزى 14 / 3 / 08 20 ( تم إضافة صورة من عند البوابين )
موضوع: صور الUA فى مباراة الأهلى x زيزى 14 / 3 / 08 20 ( تم إضافة صورة من عند البوابين ) 
الخميس سبتمبر 11, 2008 7:57 pm
